Пожар избувна попладнево на планината Серта меѓу штипските села Селце и Драгоево
Пожар избувна попладнево на планината Серта, меѓу штипските села Селце и Драгоево. Огнот зафатил сува трева, ниско стеблести растенија, даб и смрека, информира командирот на Територијалната противпожарна единица Штип, Благој Ренџов.
На терен се ангажирани 12 пожарникари со четири возила, а поради непристапниот терен и обемот на пожарот, побарана е и воздушна интервенција од Дирекцијата за заштита и спасување.
– Огнот се шири брзо, површината е голема, а пристапот е отежнат. Екипите ќе останат на терен и во текот на ноќта за да спречат ширење кон селските куќи, изјави Ренџов.
Овој дел од планината Серта речиси секоја година е погоден од пожари, а противпожарните служби редовно интервенираат за да ги заштитат населените места.
