Повторно паѓаат цените на горивата!
Цената на бензините од вечерва на полноќ се намалува, додека цената на дизелот останува непроменета, соопшти Регулаторната комисија за енергетика.
Цената на ЕУРОСУПЕР 95 се намалува за 1 денар, и од утре ќе се продава за 70 денари по литар. Цената на ЕУРОСУПЕР 98+ се намалува исто за 1 денар и ќе се продава за 72 денари по литар.
Цената на ЕУРОДИЗЕЛ останува непроменета – 64,5 денари по литар.
Екстралесното масло за домаќинство ќе има пониска цена за 2 денари, и од утре ќе се продава за 63,5 денари по литар. Цената на мазутот останува непроменета, 32,6 денари по литар.
