Повеќе од 60 луѓе загинаа во пожар во хотел во турски ски-центар
Некои гости биле принудени да скокнат од прозорците за да се спасат. Некои од нив починаа во таа прилика.
На фотографиите се гледаат чаршафи кои висат од прозорците кои ги користеле оние кои се обидувале да побегнат од запалената зграда.
Инструкторот по скијање Нејми Кепчетутан за Би-Би-Си изјави дека бил на вториот кат од хотелот кога избувнал пожарот и некако успеал да излезе за да помогне во спасувањето на другите.
Очевидци изјавија дека за време на пожарот таму било и семејството кое е сопственик на хотелот.
Гувернерот Ајдин рече дека поради оддалеченоста меѓу хотелот во Карталкаја и центарот на Болу, како и поради ледените временски услови, на пожарникарските екипи им требало повеќе од еден час да стигнат до таму.
Спасувачките операции продолжија во текот на утрото, а министерот за внатрешни работи рече дека службите за итни случаи ангажирале 267 лица за гаснење на пожарот.
Планината Болу е популарна меѓу скијачите од Истанбул и главниот град Анкара, а хотелот беше полн со гости на почетокот на двонеделниот училишен распуст.
Северозападниот град се наоѓа на околу 170 километри од Анкара.
Иако пожарот зафати еден хотел, гувернерот за турските медиуми изјави дека соседната зграда е евакуирана како мерка на претпазливост.
