Повеќе од 30 часа гори депонија до Арачиново, загадувајќи го Скопје
Синоќа избувна пожар на депонија веднаш до Арачиново, кој гори непрекинато повеќе од 30 часа, информира заменик директорот на „Македонски шуми“ Кире Михаилов. Тој апелираше до градоначалничката на Скопје, Данела Арсовска, и до Територијалната противпожарна единица (ТППЕ) да се заангажираат повеќе околу гаснењето на овој пожар, кој го загадува воздухот во Скопје.
Иако пожарот е надвор од ингеренциите на ЈП „Македонски шуми“ и далеку од шумски појас, Михаилов најави дека доколку е потребно, ќе помогнат во санирањето.
Тој предупреди дека денеска општината Арачиново и градот Скопје ќе мораат да употребат механизација и повеќе пожарникари за да го спречат ширењето на овој еколошки проблем, кој сериозно го загрозува здравјето на жителите и сите кои се наоѓаат во близина.
