Полицијата го повика лицето кое упатило закани кон градоначалничката Данела Арсовска
На 2 јуни 2025 година, полициски службеници од СВР Скопје извршиле службен разговор со С.А. (39) од Скопје, во врска со пријава дека на 1 јуни на булевар „Словенија“ преку отворен прозорец на возило „мерцедес“ со скопски регистарски ознаки упатил закани кон Д.А., градоначалничка на Скопје.
Лицето потврдило дека се движело со возилото, но ги негира заканите и изјавил дека се обидел да снима со телефон, но без успех.
За случајот е известен јавен обвинител, а по целосно документирање ќе биде поднесена соодветна пријава.
