![Потпишана дозволата за 17 катница кај Воена болница – утре протест против одлуката на Јакимовски](https://novina.mk/wp-content/uploads/2024/02/stevce-jakimovski-850x560.webp)
Потпишана дозволата за 17 катница кај Воена болница – утре протест против одлуката на Јакимовски
Градоначалникот на општина Карпош Стевче Јакимовски ја потпишал дозволата за изградба на 17-катница за 2.000 жители среде болничкиот комплекс на Воена болница во Скопје, веднаш до бензинската пумпа на „Макпетрол“.
Граѓански организации за утре најавуваат протест. Дозволата од вчера, 1 февруари, е правосилна и градежникот „ЗСФ Ком“ веќе на терен се подготвува за почеток на градба.
Експерти запознаени со ова проблематика велат дека во близина на болницата не треба да има високи објекти зошто нема да има простор за пристап на хеликоптери до болничкиот комплекс, а тука посебна тежина се дава на оваа болница зошто е одредена како Единица за прва реакција за НАТО силите во Косово.
Организаторите на протестот „Независни за Карпош“, велат дека е крајно време да се стави крај на мафијашкото однесување и уништувањето на градот.