Постојат повеќе листи во кои различни лица во различни контексти се истражуваат за корупција, вели Агелер

Амбасадорката на САД Анџела Агелер на прашањето на тоа кои имиња ќе се најдат на американската „црна листа“, денеска од Криволак одговори дека постојат повеќе листи согласно кои различни лица можеби се истражуваат во различни контексти во однос на корупцијата.

„Тие лица се истражуваат за да може да се донесат соодветни санкции“, изјави Агелер.

Агелер за „црната листа“ кажа:

„Стојам зад тоа што го реков пред некој ден и сметам дека тоа е вистина, меѓутоа сепак информациите треба да дојдат од Вашингтон и јас не можам да ви дадам ниту некои временски рокови, ниту број на тоа колку лица би биле откриени, изјави Агелер, по посетата на армискиот полигон „Криволак“ со министерката за одбрана Славјанка Петровска.