ПОРАЗ НА СТАРТОТ ОД ЕВРОПСКОТО ПРВЕНСТВО: Македонија не го издржа притисокот на моќната Данска
Македонската ракометна репрезентација со пораз ја започна својата авантура на 17. Европско првенство. Вечерва, во преполната сала во Хернинг, пред 15.000 гледачи, избраниците на Кирил Лазаров загубија од актуелниот светски и олимписки првак, Данска, со убедливи 36:24.
Натпреварот започна во висок ритам и израмнета борба гол за гол (3:3), но искуството на домаќинот брзо исплива на површина. Данска максимално ја искористи првата серија грешки во македонскиот напад, правејќи разлика од 5:0 за водство од 8:3. Иако нашите ракометари успеаја да ја консолидираат играта и во неколку наврати да ја стопат негативата на само три гола, на пауза се замина со резултат 17:12 за Данците.
Во вториот дел, Данска примени агресивна тактика „7 на 6“ во нападот, што се покажа како преголем предизвик за македонската одбрана. Предноста континуирано растеше, а веќе во 44. минута првпат стана двоцифрена (27:17), најавувајќи го конечниот епилог.
Статистика на натпреварот:
Македонија сега има ден пауза за анализа и одмор, а веќе в недела ги очекува клучниот дуел против репрезентацијата на Португалија, која во рамките на истата група Б претходно ја совлада Романија со 40:34. Последен противник во групната фаза за „црвено-жолтите“ ќе биде селекцијата на Романија во вторник.
Додека нашите момци се борат на теренот, ние подаруваме 3 оригинални дресови од македонската ракометна репрезентација.
За учество:
Победниците ќе бидат објавени на 30-ти јануари 2026 година!
Среќно и напред Македонија!
