ПОРАНЕШЕН ДИРЕКТОР, СЕГА ПРЕТСЕДАТЕЛ НА НАДЗОРЕН – Доне Таневски го окрупнува капиталот во „Македонијатурист“, сега има 22,21 проценти од акциите
Поранешниот долгогодишен директор на Македонијатурист Доне Таневски, а сега претседател на Надзорниот одбор на компанијата, бил купувачот на акциите кои поминаа на последните две блок трансакции со акции на таа компанија.
Барем таков впечаток може да се добие од денешната објава на Берзата.
„Известуваме дека Доне Таневски, Претседател на Надзорен Одбор на Македонијатурист АД
Скопје, се стекна со 3.199 обични акции издадени од Македонијатурист АД Скопје и сега
поседува 100.448 обични акции, односно 22,21 отсто“, се вели во објавата од „Македонијатурист“.
А, на последните блок трансакции кои со акциите на „Македонијатурист“ се случија минатата недела, поминаа два блока на оваа компанија, и тоа во едниот се продадоа 1.015 акции по цена од 6.300 денари за акција, а втората беше 1.152 акции, за сума од 6.500 денари за акција.
Или, тоа значи дека на двата блока поминале 2.167 акции. Претходните денови исто така имаше блок трансакции, и нивната заедничка количина надминува 3.000, што значи дека во сите денови купувачот бил Доне Таневски.
А, под претпоставка цената да е 6.500 денари за акција, излегува дека тој за новата количина платил 338 илјади евра.
Н.Н.Ф.
