Попова Шапка од денеска со полн капацитет, сите патеки отворени освен „Церипашина“
По неколкунеделна пауза поради недостиг на снег, на Попова Шапка е обновена скијачката сезона. Недостатокот на паркинг се уште е проблем, бидејќи предизвикува долги редици, но тоа не ги спречува граѓаните и скијачите да одат да уживаат во убавините на Шара во зима.
Директорот на скијачкиот центар Адем Авзиу изјави дека денеска функционираат сите скијачки патеки освен Церипашина која би можела да биде отворена во наредните денови.
АДЕМ АВЗИУ, ДИРЕКТОР НА СКИ ЦЕНТАРОТ „ПОПОВА ШАПКА“
„Првиот пат не ги пуштивме сите скијачки патеки бидејќи немавме доволно снег насекаде за да не направиме проблеми при скијање, ја земавме предвид безбедноста на скијачите и намаливме за 60% од капацитетот на скијачкиот центар. Денеска работевме со полн капацитет, освен „Церипашина“, бидејќи на втората станица немаме доволно снег, ветрот го помести снегот. Утре продолжуваме со одржувањето на таа ски патека и се надевам дека во наредните денови ќе пуштиме во употреба половина од „Церипашина“, вели Адем Авзиу – директор на ски центарот „Попова Шапка“ во изјава за ТВ21.
