Полската полиција откри 100 килограми кокаин на дното на Балтичкото море
Припадниците на полската гранична служба откриле повеќе од 100 килограми кокаин на дното на Балтичкото Море додека вршеле операции за заштита на критичната подводна инфраструктура, соопшти денеска службата.
Во акцијата се уапсени седум лица, а властите соопштија дека вредноста на откриената дрога изнесува 15 милиони долари, пренесува Ројтерс.
Балтичките земји се во зголемена готовност поради инциденти со подводната инфраструктура, а НАТО најави дека ќе го зголеми присуството во регионот откако беа забележани неколку такви случаи кога подводната инфраструктура беше сериозно оштетена.
