Полицијата на влез во Србија од Црна Гора запленила половина тон кокаин
Српската полиција го уапсила Мирослав Ѓуриќ од Лозница, кој има регистрирана фирма во Даниловград, Црна Гора, на граничниот премин Гостун, на пат кон Србија, во неговата цистерна пронашла околу 500 килограми кокаин, дознаваат подгорички „Вијести“ од Агенцијата за национална безбедност на Црна Гора. „Вијести“ не прецизираше кога се случила оваа заплена.
Во моментов се вршат оперативни проверки и цистерната е земена за прецизно мерење на товарот, дознава „Вијести“.
Соговорникот на „Вијести“ наведува дека камионот влегол во Црна Гора на 4 март кога испорачувал гас за компанијата „Петрол“.
Во регистарот на Стопанскиот суд, фирмата „Ројал шпед“ е основана на 02.06.2021 година, за товарен патен превоз, со вкупен капитал од 1 евро, а сопственик и основач е српскиот државјанин Мирослав Ѓуриќ, со престој во Даниловград. Компанијата лани имала мал промет, судејќи според финансискиот извештај доставен до Управата за приходи и Царината.
