ПОЛИЦАЈЦИ ПО ЦЕЛ ДЕН ЌЕ ГИ ОБЕЗБЕДУВААТ СРПСКИТЕ УЧИЛИШТА – се вработуваат веднаш 1.200 нови полициски припадници
Србија ќе вработи веднаш 1.200 полицајци.
Ова е најновата мерка на српските власти која на вонредна пресконференција ја соопшти српскиот претседател Александар Вучиќ, придружен од целата српска Влада.
Пресконференцијата се уштре трае
Тој кажа дека досега полицајците имале обврска да ги обиколуваат училиштата, но сега ќе седат внатре во училиштата и ќе се грижат за безбедноста на учениците и наставниот кадар.
За нивните плати од буџетот ќе се одвојат 25 милиони евра.
Ова следува по крвавиот пир во Белград, во населбата Врачар, во која 13 годишен ученик застрела осум ученици и припадникот на обезбедувањето, а шестмина се ранети.
„Во Белград има точно 331 училиште, и во 331 училиште, полицајци ќе бидат распоредени во секое од нив и ќе седат таму по цели денови“, рече Вучиќ, бидејќи, како што нагласи, не постои мајка или баба во Србија, која можела да заспие во последните 48 часа.
Вучиќ соопшти и други мерки, меѓу кои заострување на затворските казни за неовластено производство и трговија, но и држење на огнено оружје.
Практично двојно се сголемуваат затворските казни за овие дела.
Српскиот претседател се осврна и на синоќешниот масакр, кај Младеновац, и него го оквалификува како полициски акт.
„И за новите мерки, баш ми е гајле што некој ќе каже, овој е лекар, овој е потполковник, отстапки нема да има за никого“, нагласи Вучич, објаснувајќуи дека е свесен дека „тоа политички ќе го чини“.
