Почнува нов циклус: Милевски свирна старт на подготовките за евро-квалификациите (ВИДЕО)

Милевски означи старт на новиот циклус кој треба да го поправи впечатокот после лошиот настап во Лигата на нации минатата година, како и двата контролни мечеви во ноември, па селекторот избра 28 фудбалери на кои смета за пресметката со малтежаните, но и пријателскиот меч со Фарските Острови четири дена подоцна.

Дебитант во селекцијата е Давор Здравковски, фудбалерот на АЕЛ Лимасол, кој денеска дојде во хотелот „Хилтон“, репрезентативната база во изминативе повеќе од две години.

Селекторот може да биде презадоволен до дел од формата на репрезентативците, пред сѐ од офанзивците, Бојан Миовски, Доријан Бабунски, Валон Етеми, Александар Трајковски, но има и главоболки од малата минутажа на друг дел од играчите кои се важни во националниот тим, пред се Езџјан Алиоски, Енис Барди, Дарко Чурлинов…, па пред неколку дена повика дека сите во каква форма и да сѐ – да се стават комплетно во функција на тимот.