Почина прославениот диригент Сеиџи Озава
Јапонскиот диригент Сеиџи Озава, кој три децении раководеше со Бостонскиот симфониски оркестар (БСО), почина на 88-годишна возраст, јавува денеска Асошиејтед прес.
Озава почина од срцева слабост во вторникот во својот дом во Токио.
Меѓународно признатиот маестро го водеше БСО од 1973 до 2002 година, подолго од кој било друг диригент во историјата на тој оркестар, пренесува ФоНет.
Од 2002 до 2010 година беше музички директор на Виенската државна опера.
Тој остана активен во неговите подоцнежни години, особено во Јапонија.
Сеиџи Озава Мацумото беше уметнички директор и основач на музичкиот и оперскиот фестивал во Јапонија.
Озава и оркестарот Саито Кинен освоија Греми за најдобра оперска снимка за 2016 година за Равеловиот L’Enfant et Les Sortileges.
Озава е во голема мера одговорен за основањето на музичкиот центар Танглвуд, музичка академија во Ленокс, Масачусетс.
Музичката сала на центарот со 1.200 седишта, вредна 12 милиони долари, го добила неговото име во 1994 година.
