Почина македонската фолк-пејачка Небахат Бади Бекир
Македонската фолк-сцена денес остана без познатиот и омилен глас – почина пејачката Небахат Бади Бекир. Веста за нејзината смрт со тага одекна меѓу колегите, пријателите и обожавателите, кои преку социјалните мрежи испраќаат последни зборови на благодарност и почит.
„Патувај, драга Бади, кон царството небесно и нека ти е светол патот до таму“, пишува една од нејзините најблиски колешки, нагласувајќи дека Бади била една од најдруштвените и најпозитивните личности на естрадата, препознатлива по својата впечатлива насмевка.
Колегите сведочат дека покрај неа никој не можел да остане рамнодушен – секогаш знаела да измами насмевка и да внесе топлина меѓу луѓето околу себе. „Чест и привилегија беше да сум дел од нејзиниот круг. Ќе недостасува многу“, велат оние што ја познавале најдобро.
Од Небахат Бади Бекир денес се простуваат многумина, потсетувајќи на нејзиниот музички опус, но и на нејзиниот карактер кој оставил силен печат кај сите што ја сретнале.
