Почина бебето кое беше спасено од утробата на починатата мајка, ќе биде погребано до неа

Девојчето кое се роди со царски рез откако мајка и беше убиена заедно со сопругот и постарата ќерка, почина во болница во Рафа.

Сабрин ал Сакани е родена со итен царски рез откако нејзината мајка претрпе фатални повреди во нападот на Рафа.

Во хаосот во болницата, лекарите успеале да го реанимираат бебето кое не било добро ниту кога се родило, но успеало да преживее.

Меѓутоа, нејзината состојба се искомплицирала вчера кога имала сериозни проблеми со дишењето.

Таа почина во четвртокот, а како што пренесуваат медиумите, ќе биде погребана до нејзината мајка, по која го доби името.

Да потсетиме, бебето тешко 1,4 килограми е родено со царски рез во 30-та недела од бременоста и веднаш е сместено во инкубатор.

Мајката на новороденото бебе спиела во семејната куќа со сопругот и ќерката кога почнал израелскиот воздушен напад, во кој тие биле убиени.