По изборите турската лира потона

Рекордно ниска е вредноста на турската валута по изборите, така што еден долар се тргува за скоро 20 лири. 

Доларот е еднаков на 19,70 лири. Намалувањето на вредноста на лирата по изборите беше 0,5 отсто, а лани нејзината вредност се намали за 40 отсто, пишува CNN. Девалвацијата на домашната валута е последица на одлуката на актуелниот претседател на Реџеп Таип Ердоган, на високата инфлација да не реагира со зголемување на каматните стапки, т.е. со намалување на паричната маса во оптек. Официјалната стапка на инфлација во државата е повеќе од 80 проценти, а некои тврдат дека реалната стапка на инфлација е многу повисока.  Со години турската лира е нестабилна. Нејзината вредност и лани имаше пад. 

foto freepik.com/krakenimages.com