По четири нерешени резултати во низа, Јуве конечно победи (ВИДЕО)
На гостувањето кај Монца, „бјанконерите“ славеа со 2-1 и се задржаа на шестата позиција на табелата со девет бода негатива во однос на лидерот Аталанта. Се што беше важно на овој натпревар се случи во првото полувреме, до 39. минута. Мекени го донесе Јувентус во водство од 1-0, Бириндели израмни, а Гонзалез се избори за нова предност на торинскиот тим што подоцна излезе дека е конечен резултат.
И покрај тоа што загуби, Монца беше далеку од инфериорна на овој натпревар, упати 17 удари кон противничкиот гол, еден повеќе од Јувентус, но не успеа да се избори барем за бод. Ова е трет пораз по ред за Монца која останува на последната позиција на табелата со само десет освоени бода и се уште ја чека првата победа на домашен терен.
