Петстотини ученици во Охрид денеска трчаа за поддршка на семејствата на жртвите во Кочани

Во знак на поддршка за семејствата на жртвите од трагичната несреќа во Кочани, денеска околу петстотини охридски средношколци и граѓани се вклучија во хуманитарната трка „Од срце трчај со срце дарувај за Кочани“, одржана покрај Кејот на Охридското Езеро.

Настанот, организиран од СОСУ „Св. Кирил и Методиј“ во соработка со ЈП „Билјанини извори“, имаше за цел преку спорт и солидарност да се соберат средства за настраданите семејства.

Долж трасата каде што се трчаше беа поставени кутии за донации, а организаторите ги повикаа сите хумани граѓани да се приклучат и со свој придонес да покажат сочувство и поддршка во тешките моменти.