Пет лица приведени во Кочани – пронајдени дрога, вага и сомнителни предмети
На 28 март 2025 година, околу 15 часот, полициски службеници од Надворешната канцеларија за криминалистички работи Кочани лишиле од слобода пет лица поради сомнение за поседување наркотични средства.
Приведените се:
Лицата биле затекнати во патничко возило марка „Мерцедес“ со винички регистарски таблички, сопственост на еден од приведените – Џ.А.
При извршениот преглед, кај лицето С.М. биле пронајдени кафеава прашкаста материја и марихуана, по што била побарана и судска наредба за претрес во неговиот дом. Таму, полицијата пронашла дигитална вага и други предмети за кои постои сомнение дека потекнуваат од кривично дело.
За случајот бил известен јавен обвинител, а по целосно расчистување и документирање на случајот, ќе биде поднесена соодветна пријава.
