ПЕСИМИЗАМ ЗАВЛАДЕА СО АВТОИНДУСТРИЈАТА: Предизвикувачки времиња за некогаш главниот двигател на германското стопанство
Германската автомобилска индустрија доби повеќе нарачки во април, но расположението останува мрачно поради американските царини, соопшти во понеделник економскиот институт Ифо, објави ДПА.
Индексот на расположение падна за 0,2 поени од март, на минус 30,7. Во исто време, индустријата ја оценува моменталната состојба попозитивно отколку претходниот месец, но со негативни очекувања за претстојниот период.
Зголемувањето на американските увозни тарифи на 25 проценти стапи на сила на почетокот на април и „ги запре првите сигнали за позитивен развој во почетна фаза“, рече Анита Волфл од Ифо.
Скокот на нарачките од Европа не беше доволен за да го ублажи песимизмот во очекувањата за трговија со остатокот од светот. Германската автомобилска индустрија сега гледа кон иднината потажно отколку во претходните два квартала.
Песимизмот го одразува фактот дека САД се меѓу најважните трговски партнери на Германија. Германски декор за домот
Според официјалната статистика, Американците купуваат 13,1 процент од сите патнички автомобили од германскиот извоз, повеќе од која било друга земја.
Порше продава речиси секој трет автомобил, а БМВ секој шести на американскиот пазар, додека уделот на Фолксваген, Ауди и Мерцедес е помеѓу 12 и 15 проценти.
Феникс-магазин
Фото: ЕПА
