PEPSICO ДОБИ НОВ ГЕНЕРАЛЕН ДИРЕКТОР ЗА ЈУЖНИТЕ ПАЗАРИ НА ЦЕНТРАЛНА ЕВРОПА: Од Белград ќе раководи со 14 меркети во регионот
PepsiCo го назначи Константин Мерквиладзе за нов генерален менаџер за јужните пазари на централна Европа и балтичките земји. Тој ќе биде задолжен за работењето на 14 маркети во овој регион, со кои ќе управува од Белград. Поранешниот извршен директор Нуно Пинто Леите ја продолжи својата кариера како извршен директор на PepsiCo France.
Мерквиладзе доаѓа во Србија од позицијата генерален директор на PepsiCo Kavkaz (Грузија, Азербејџан, Ерменија), каде тој и неговиот тим придонесоа за континуитет на растот на приходите во бизнисот, се вели во соопштението на компанијата.
Мерквиладзе наведува дека е многу задоволен што ја презема оваа функција.
„Чест ми е да се приклучам на овој исклучително успешен тим и пазари кои се синоним за позитивен развојен тренд. Ќе работиме заедно за да промовираме раст на бизнисот и постојани иновации во сите деловни сегменти, со цел да продолжиме да одговараме на барањата на пазарот и да ги следиме потребите на нашите потрошувачи. Во исто време, остануваме посветени на благосостојбата на нашите вработени, како и на локалната заедница, водени од глобалните постулати на позитивни практики на компанијата PepsiCo“, рече тој.
Во текот на неговата 20-годишна кариера, Мерквиладзе имаше извршни позиции во малопродажбата и индустријата за FMCG, со фокус на маркетинг, продажба и е-трговија. Водени од принципите на стратегијата за одржлив развој pep+ и нејзината посветеност за зајакнување на талентите и работната средина, ќе ги води операциите на бизнисот со закуски на повеќе од 10 маркети, со тим од повеќе од 1.200 вработени.
На оваа позиција Мерквиладзе ќе го замени досегашниот генерален директор Нун Пинто Леите, кој кариерата ја продолжи во Франција, на местото генерален директор на компанијата. Во текот на претходните 3 години, Пинто Леите одигра клучна улога во одржувањето на лидерската позиција на пазарот, поттикнувајќи ја иновативноста и ефикасноста во деловното опкружување. За добрите деловни резултати особено придонесе неговата посветеност да негува култура на талент и отворена комуникација, велат од компанијата.
