Пендаровски: Трамп е трансакционен претседател, ние имаме многу малку да понудиме
Поранешниот претседател Стево Пендаровски, во гостување вечерва на телевизија Сител изјави дека актуелната власт се истрчува и не може „да ја купи“ страната на Доналд Трамп во спорот со Бугарија.
– Ваков „трансакционен“ Трамп е колку ќе платиш, толку ќе имаш. Што можеме ние да понудиме кај ваков Трамп во однос на Бугарија – ништо, практично ништо. Кај трансакционен претседател ние имаме многу малку што да понудиме – зборувам за пари и ресурси, рече Пендаровски.
Според Пендаровски, актуелната власт греши во политиката на „ново нормално“ и доближувањето до политиката на американскиот претседател и истовременото дистанцирање од Брисел.
– Трамп ја поремети глобалната мрежа и транссатлантската коалиција внатрешно со најголемите сојузници. Нашата позиционирање како Влада во однос на администрацијата на Трамп е дека „треба да се навикнеме на ново нормално“, бидејќи тоа е опасна теза. Тоа не ја преплави ни американската политичка сцена, ниту Европа, не ја преплави Канада, ниту Мексико. САД има само двајца сојузници за специјални релации – Велика Британија, која не е преплавено од новото нормално и е поблиска до брисел, и тука е Израел. Не би истрчувал бидејќи ние не сме светска велесила, туку меѓу најмалите на Балканот, така што ние немаме ресурси да бидеме првд САД и не ни лечи. Дури и самата Јапонија мери што да прави со ваков претседател на САД. Големите ќе се договорат, а нас ќе ни замерат. Не смееме да бидеме коспонзор на резолуција на чија иста страна се Северна Кореја и Белорусија. Два примери – два човека – Александар Вучиќ и Еди Рама, не се истрчуваат и вагаат, а се знаат пријателски со зетот и ќерката на Трамп, наведе Пендаровски.
За сојузништвото со Виктор Орбан рече дека унгарскиот премиер владее автократски и дека дури ни тој никогаш не рекол дека ја поддржува идејата за „условни уставни измени“ со кои Бугарите би влегле во Уставот дури откако ќе станеме дел од ЕУ.
– Старото ВМРО-ДПМНЕ на Никола Груевски во 2026 кога дојде на власт имаше економски концепт – рамен данок, дуинг бизнис, економска гилотина, оваа Влада оди стихијно и се потпира само на еден унгарски кредит, за кој допрва чекаме апликации, односно не знаеме за што ќе го трошиме. Овие ги земаа парите па рекоа „елате сега на шалтер да видиме што ви треба, додаде тој.
