Пелистер без милост го прегази Охрид
Охрид имаше минимална предноста на стартот на дуелот, но Пелистер ја презема контролата врз дуелот и со серија од 4-0 стигна до 7-3 во 12. минута, по што предноста на битолчани на полувреме достигна 17-8.
Пелистер на почетокот на вториот дел стигна и до +11 (21-10), но Охрид се созема и успеа со неколку погодоци да го намали водството на ривалот, но не и да избегне голем пораз.
Најдобри во победничкиот тим беа Ненад Костески и Жарко Пешевски со по шест голови, додека Ерај Каракоќ постигна седум погодоци за Охрид.
