Пех за Партизан пред утрешниот меч со Реал – Аврамовиќ има скршеница на дланката
Српските медиуми објавија дека Аврамовиќ има скршеница на дланката која ја здоби на вчерашниот трет меч откако незгодно падна на раката во обид да го изблокира џинот од Зеленортските острови, Валтер Тавареш, кој беше незапирлив со 26 поени и 11 скока во триумфот на „кралскиот клуб“.
За Аврамовиќ практично е завршена сезоната, информираат белградските медиуми, што значи дека не би играл ни на фајнлфорот во Каунас, ако Партизан обезбеди пласман. Ова е голем хендикеп за црно-белите за утрешниот меч особено што не може да сметаат ни на Кевин Пантер, најдобриот кошаркар поради суспензијата од два меча што ја одлежува за инцидентите во Мадрид.
