Патни листови или нови пасоши за влез во земјава
Граѓаните да не стравуваат, сите ќе може да се вратат во земјава, порака од министерот Османи. МНР ја забрзува постапката за издавање патни листови, а конзулатите и амбасадите се засилуваат со кадар кој ќе обработува апликации за пасоши. Во Германија и во Италија каде што има најголем метеж се испраќаат дополнителни мобилни станици за фотографирање, а на најпрометните аеродроми наши дипломати ќе издаваат патни листови на самото место.
Партнерските земји се замолени да пропуштаат нашинци и со стари пасоши, но како што порачува Османи, граѓаните да не се потпираат на оваа варијанта. Најсигурно границата ќе ја поминат со нов пасош или патен лист.
Граѓаните со термини за фотографирање, подоцна во текот на годината ќе бидат исконтактирани за да им се поместат за порано.
Министерот Тошковски претходно објави дека има дефицит на обрасци за изработка на пасоши, но МВР бара решение за надминување на проблемот.
Анита Димитријевска – Велковска
