ПАШИНЈАН: Ерменија веќе не може да се потпира врз Русија, Moсква постојано изневеруваше
Ерменија е разочарана од односот на Русија кон неа и сака поблиски односи со Западот.
„Ерменија веќе не може да се потпира врз Русија како одбранбен и воен партнер зашто Москва постојано ја изневеруваше“, изјави премиерот Никол Пашињан.
Кажа дека е време да ги зајакнат своите врски со САД и Франција.
„Мора да разбереме со кого навистина можеме да одржуваме воено-технички и одбранбени врски. Порано овој проблем беше едноставен зашто такво прашање не ни постоеше. Порано, 95-97 отсто од нашите одбранбени врски беа со Руската Федерација. Сега веќе не може да биде така од објективни и субјективни причини“, додаде Пашињан.
Тој рече дека Ерменија би требала да изгради безбедносни врски со САД, Франција, Индија и Грузија.
Пашињан вели дека Русија ја изневерила Ерменија кога Азербејџан лансираше брза воена акција за да ја поврати контролата врз одметнатиот регион Нагорно-Карабах, што доведе до егзодус на етничките Ерменци кои живееја во тој дел. Русија ги обвини политиките на Пашињан за поразот на Ерменците во енклавата. Но, Азербејџан ја обвини Франција дека се обидува да поттикне нова војна така што ја снабдува Ерменија со оружје. Лани 120.000 Ерменци беа принудени од Нагорно – Карабах да избегаат во Ерменија.
Фото: ТАСС
