Партијата „Македонски концепт“ ќе учествува на изборите со програма #Рестарт’24 и песната „Земјо моја“ како химна
Политичката партија „Македонски концепт” најави учество на следните парламентарни избори 2024 година, преку промоција на клучни пораки од предизборната програма насловена #Рестарт’24 и песната „Земјо моја” од проф. д-р. Јане Коџабашија како Химна на партијата.
Лидерот на партијата Петар Богоjевски пред присутните изјави дека тие се константа и не менуваат ставови, а очекуваат граѓаните да ги разберат.
Посочи дека како партија точно знаат каде треба да движи државата во иднина, како Република на еднакви можности за секој роден во Македонија, со најниски даноци, за граѓански устав и вработувања по компетенции и квалитет, а не по етничка основа.
На настанот се обратија и претседателката на МЖК – женската асоцијација на партијата, Виолета Попоска Миташевска и авторот и промотор на Химната „Земјо мила” проф. д-р. Јане Коџабашија. Виолета Попоска Миташевска истакна дека од „нас жените зависи” колку ќе успееме, и дека партијата Македонски Концепт е отворена за сите можности.
Таа се заложи за како што рече враќање на изгубените норми и вредности во општеството и морални и етички принципи засновани на трајните семејни вредности и македонска традиција.
