ПАРАДОКС НА БАЛКАНОТ – еве каде еден килограм џимиринки чини колку три килограми месо

Месната индустрија, месарниците и маркетите велат дека цената е висока токму поради недостигот.

Килограм џимиринки во Република Српска чини и до 36 конвертибилни марки, што, за споредба, треба да се издвои за три килограми свински бут. Имено, како што велат од месните индустрии, месарниците и маркетите ширум Српска, цената годинава е висока токму поради недостигот на овој деликатес.

Цените вртоглаво растат

Драгица Ѓукиќ Татиќ, директорка на месната индустрија „Мана“ од Српч, за „Независне новине“ вели дека на пазарот има недостиг од џимиринки, па не чуди што цената оваа година е многу висока.

„Сега имаме ситуација кога имаме свињи кои се од таква раса што немаат многу цврсто масно ткиво од кое се прават чварки, туку се месести“, рече Татиќ Ѓукиќ и додаде дека со чварки снабдуваат неколку пазари низ Српска.

„Цената на чварките по килограм што ги продаваме, во зависност од купувачот, кој има попуст, се движи од 30 до 33 марки за килограм“, рече Татиќ Ѓукиќ.

Лазо Шешиќ, сопственикот на Месница код Лаза од Бањалука, вели дека немањето џимиринки на пазарот ја диктира цената и посочува дека тие се исклучително квалитетен производ и дека цената не треба да чуди. И тврди дека недостигот е пред се поради недостиг на крупни свињи.