ПАДНА ДИЛЕР ВО АЕРОДРОМ: Во подрум криел марихуана, амфетамини и метадон
Основното јавно обвинителство (ОЈО) Скопје отвори истрага против 49-годишен маж под сомнение за нелегална трговија со дрога. При полициски претрес во неговиот подрум во скопската населба Аеродром, пронајдени се различни видови наркотици, пари и опрема за мерење и пакување.
Според официјалните информации од Обвинителството, полициските службеници извршиле претрес во подрумска просторија која исклучиво ја користел осомничениот. При упадот, затекната е вистинска мала лабораторија за препродажба, при што се запленети:
Покрај наркотиците, инспекторите пронашле и две дигитални ваги на кои имало видливи траги од кокаин, амфетамин и марихуана. Запленети се и парични средства за кои постои основано сомнение дека директно потекнуваат од илегалната продажба на дрогата.
Надлежниот јавен обвинител покрена истражна постапка за кривично дело – Неовластено производство и пуштање во промет наркотични дроги, психотропни супстанции и прекурсори, предвидено во член 215 став 1 од Кривичниот законик.
Поради сериозноста на доказите, до судијата на претходна постапка од Основниот кривичен суд Скопје веднаш е доставен предлог за одредување најстрога мерка – притвор.
Од ОЈО појаснуваат дека ваквото барање се темели на реалната опасност од бегство на 49-годишникот, како и на обезбедените докази кои укажуваат дека тој би можел да продолжи со неовластената продажба на наркотици доколку се брани од слобода.
