OВАА ЗЕМЈА Е „ЕЛДОРАДО“ ЗА СРБИТЕ: Милиони евра испраќаат дома
Хрватска стана „Елдорадо“ за Србите, а работниците испраќаат десетици милиони евра дома.
Хрватска стана една од најпопуларните дестинации за работниците од Србија, бидејќи стана нормално, човек од Србија да работи една сезона во Хрватска, што до пред неколку години не беше баш вообичаен случај, пишува Индекс.хр. Според тоа, значително порасна и тоа многукратно и сумата на пари што работниците од Србија ја испраќаат дома додека работат во Хрватска. Со оглед на разликата во просечната плата и полесно вработување поради недостигот на работници во Хрватска, особено во туристичкиот сектор, тоа не е неочекувано. До неодамна немаше голема „размена“ на работници меѓу двете земји, но поради големата популарност на Хрватска за работници од Србија, ситуацијата целосно се промени.
Не така одамна, личните дознаки од Хрватска во Србија изнесуваа меѓу 15 и 20 милиони евра годишно, а заклучно со лани таа сума е повеќе од 100 милиони евра. Има и луѓе од Хрватска кои работат во Србија, но многу малку во споредба со луѓе од Србија кои работат во Хрватска.
Во 2013 година од Хрватска во Србија се испратени 12 милиони евра лични дознаки, а од Србија во Хрватска 7,7 милиони евра. Ситуацијата не се промени многу до 2017 година, кога износот на личните дознаки од Србија во Хрватска (21,9 милиони евра) го надмина износот на дознаките од Хрватска во Србија (20,9 милиони евра).
Foto: Kristina Stedul Fabac PIXSELL
