Ова се земјите од Европската унија каде што цените на становите паднаа
Цените на станбените недвижности во Европската унија значително флуктуираа, додека кириите постојано се зголемуваа во изминатите 13 години, покажуваат податоците на Евростат.
Разликите во трендовите се забележливи и во последната година. Во третиот квартал од 2023 година, во однос на третиот квартал од 2022 година, цените на недвижностите паднаа за еден отсто, додека кириите пораснаа за три отсто, пишува tportal.
Помеѓу 2010 година и третиот квартал од 2023 година, цените на недвижностите се зголемија за 48 отсто, а кириите за 22 отсто. Споредувајќи го третиот квартал од 2023 година со третиот квартал од 2010 година, цените на недвижностите се зголемија повеќе од кириите во 18 од 27 земји на ЕУ.
Во тој период, цените на недвижностите се зголемија повеќе од тројно во Естонија (+201 отсто) и повеќе од двојно се зголемија во Унгарија (+185 отсто), Литванија (+158 отсто), Латвија (+141 отсто), Австрија (+123 отсто), Чешка (+122 отсто) и Луксембург (+107 отсто).
Од друга страна, пад на цените е забележан во Грција (-14 отсто), Италија (-8 отсто) и Кипар (-2 отсто). Кириите пораснаа во 26 земји на ЕУ, со најголем пораст во Естонија (+218 отсто), Литванија (+170 отсто) и Ирска (+100 отсто). Единствено намалување на цените за изнајмување е забележано во Грција (-20 проценти).
Во Хрватска цените на недвижностите се зголемија за 60,1 отсто во набљудуваниот период, со тоа што паднаа и стагнираа до 2018 година, по што следеше силен раст. Закупнините во тој период пораснале за 25 отсто, а нивниот раст бил постабилен, пишува tportal.
