ОВА Е ПРОСЕЧНАТА ЦЕНА НА СТАНБЕН КВАДРАТ ВО ХРВАТСКА – објавени најновите официјални податоци
Просечната цена на метар квадратен продаден нов стан во Хрватска во 2023 година изнесува 2.246 евра, што е за 2,7 отсто повеќе од 2022 година, покажуваат податоците на Државниот завод за статистика на таа земја.
Во Загреб просечната цена на метар квадратен нов стан била 2.684 евра, што е за 4,1 отсто повеќе од претходната година, а во другите населени места е 1.940 евра или 3,7 отсто повеќе.
Просечната цена на метар квадратен нов стан што го продаваат трговските друштва и други правни лица, без програмата за социјално поттикнување домување (ПОС), во 2023 година достигна 2.342 евра, што е за 4,7 отсто повеќе од 2022 година. Цената на метар квадратен на тие станови во Загреб се зголеми за четири отсто, на 2.690 евра, а во другите населби за 6,7 отсто, на 2.055 евра.
Гаражен простор во центарот на Копривница чини 20.000 евра
Просечната цена на метар квадратен станови на ПОС лани изнесувала 1.295 евра и била за 6,8 отсто повисока од претходната година. Во Загреб изнесува 1.005 евра, што е намалување за 1,2 отсто, додека во другите населени места е зголемено за 6,2 отсто, на 1.300 евра.
Во 2023 година во Хрватска се продадени 4.370 нови станови, од кои 1.772 во Загреб и 2.598 во други населени места. Од вкупниот број продадени станови, 397 се ПОС, а 3.973 продале трговски друштва и други правни лица.
Пословни.хр
