Ова е единствниот кандидат за наследник на претседателот на Светска банка
Американскиот кандидат Аџеј Банга е единствениот предложен за наследник на актуелниот претседател на Светската банка, Дејвид Малпас, соопшти денеска институцијата.
„Управниот одбор доби една кандидатура и прецизира дека Аџеј Банга, американски државјанин, ќе биде земен предвид за таа позиција“, се вели во соопштението на Светската банка.
Аџеј Банга е Американец со индиско потекло.
Досегашниот претседател на Светска банка Дејвид Малпас треба да ја напушти функцијата најдоцна до крајот на јуни, а името на неговиот наследник ќе биде објавено на почетокот на мај.
