ОСУММИНА ПОВРЕДЕНИ НА ПАТОТ ГОСТИВАР-ТЕТОВО Страшна несреќа на клучката кај Камењане

Осум лица се повредени во несреќата која вечерва се случи во 20:05 часот, на патот Гостивар-Тетово, веднаш после клучката „Камењане“.

Во овој сериозен судир учествуваа патничкото возило „мерцедес“ со австриски регистарски ознаки и „бмв“ со тетовски таблички.

Во несреќата повреди добија осум лица, кои веднаш беа пренесени со возила на Итна медицинска помош во Клинички центар Тетово. Од полицијата информираат дека сообраќајот се одвиваше по една коловозна лента додека трае увидот.

.