Осомничениот за грабнувањето на внукот на Љубе Бошковски сам и се предаде на полицијата
Еден од осомничените за грабнувањето на Самоил Костадиновски, внук на поранешниот министер за внатрешни работи, Љубе Бошкоски вчера бил фатен на граничниот премин Табановце.
Александар Трпковски беше во бегство и се бараше со меѓународна потерница, а вчера порталот „Скопје 1“ објави дека сам се предал на полицијата. Од Министерството за внатрешни работи за „Фокус“ потврдија дека лицето било фатено и дека е спроведено во затворот во Шутка.
„На 30.09.2024 на Граничниот премин Табановце бил лишен од слобода А.Т. од Скопје по чл.123 во врска со член 19 од КЗ и член 141 од КЗ и е спроведен во КПУ Затвор Скопје“, велат од МВР.
Од затворот исто така потврдиле дека од вчера утрото Трпковски се наоѓа во притвор кој му бил определен уште во 2023 година и кој стана извршен во моментот кога е најден.
