Основците ќе учат само претпладне – нов план за едносменско работење
Министерството за образование и наука најави нова стратегија за подобрување на основното образование, која предвидува целосен премин кон едносменско работење и воведување на целодневна настава за учениците од прво до петто одделение.
Според најавите, целта е да се создаде поквалитетна и подинамична средина за учење, со повеќе време за активности, вежби и индивидуален пристап кон секој ученик.
Дел од училиштата веќе започнаа со работа само во прва смена, како прв чекор кон оваа промена. Министерството исто така најави проширување на постојните капацитети преку изградба на нови училници и адаптација на училишните објекти, со цел да се овозможат услови за непречена имплементација на целодневната настава.
