Основачот на „Телеграм“ планира да им го остави богатството на децата
Милијардерот Павел Дуров, основач и извршен директор на „Телеграм“ планира да им го остави богатството на своите деца, кои ги има над 100, вклучувајќи шест со три различни партнерки и повеќе од 100 зачнати по пат на донирање на сперма.
Дуров сака неговите деца да чекаат 30 години пред да му пристапат на богатството од 13,9 милијарди долари и не прави разлика меѓу децата кои ги зачнал по природен пат и оние кои се зачнати со помош на вештачко оплодување.
Дуров, во интервју за „Ле Поинт“ рече дека е официјален татко на шест деца со три различни партнерки, а дека почнал со донирање сперма пред петнаесет години и оттогаш на тој начин добил повеќе од 100 деца.
Сакам да разјаснам дека не правам разлика помеѓу моите деца: има оние кои се зачнати природно и оние кои потекнуваат од мои донации на сперма. Сите тие се мои деца и сите ќе имаат исти права“, изјави тој за францускиот весник.
Четириесетгодишниот тајкун е познат по своето провокативно однесување, вклучително и кога им честиташе Велигден на 11,1 милиони претплатници на Телеграм со слика од себе со гол торзо.
Прави 300 склекови по ред секое утро, проследено со 300 чучњеви и избегнува алкохол, кафе и чај, рече тој.
„Неодамна го напишав мојот тестамент. Решив дека моите деца нема да имаат пристап до моето богатство додека не помине период од триесет години, почнувајќи од денес“, рече тој.
Француските власти минатата година го обвинија за олеснување на планирањето на злосторства преку Телеграм, обвинение што тој го негира.
