Османи: ДУИ е подготвена за влада без ДУИ ако ВМРО-ДПМНЕ гласа за уставни измени

Министерот за надворешни работи Бујар Османи како висок функционер во ДУИ испрати порака до лидерот на ВМРО-ДПМНЕ, Христијан Мицкоски кој нема проблем да го прифати предлогот на Димитар Ковачевски и да влезе во владата, но само ако во неа го нема ДУИ.

„ДУИ е подготвена да поддржи Влада без ДУИ до избори доколку опозицијата ги поддржи уставните измени и истите стапат на сила пред формирањето на таа влада. Европската иднина на граѓаните е пред сѐ!“, напиша Османи на својот фејсбук-профил.

Мицкоски по средбата со премиерот Ковачевски изјави дека било понудено ВМРО-ДПМНЕ да преземе пет министерски места, но дека неговиот услов, како што нагласи Мицкоски, е тоа да биде Влада без ДУИ.