ОНТАРИО ПОЧНА СО ОДМАЗДА: Ги отстрануваат американските пијалaци од полиците

Онтарио ги отстранува американските пијалaци од полиците. 

Премиерот на најбројната канадска провинција Онтарио, Даг Форд изјави дека Одборот за контрола на алкохол во Онтарио (ЛЦБО) отстранува повеќе од 3.600 марки на алкохолни пијалаци произведени во Америка како дел од својот „прв круг одмазда“ против високите царини на американскиот претседател Доналд Трамп за производи од Канада. 

„Ова е огромен удар за американските производители. Секоја година, ЛЦБО продава американско вино, пиво, јаболковина, селцер и алкохолни пијалоци во вредност од речиси 1 милијарда долари, вклучувајќи повеќе од 3.600 производи од 35 земји“, вели Форд. 

Онтарио е еден од најголемите купувачи во светот на алкохол произведен во Америка и претходно соопшти дека продава алкохол од САД во вредност од 965 милиони долари годишно.

Тони Еленис, претседател и извршен директор на Здружението на ресторани за хотели и мотели во Онтарио, изјави за Си-Ти-Ви Њуз Торонто дека сега е време да се пијат локално произведени пијалоци.

„Ние сме обединети со постапките на нашата влада. Сите луѓе во Онтарио треба да бидат обединети. Последиците се многу поголеми ако не го направиме ова“, вели Еленис.

Канадскиот премиер Џастин Трудо рече дека американскиот претседател Доналд Трамп сака преку економски слабеење да ги спои со САД. Трамп претходно говореше дека Канада треба да биде 51-та држава на САД. 

Премиерот на канадската провинција Онтарио, Даг Форд, изјави дека е подготвен да го прекине извозот на електрична енергија во САД, ако тарифите на претседателот Доналд Трамп од 25 отсто за канадски стоки бидат исполнети.