Ѓоковиќ обезбеди осминафинале – Давидович-Фокина добро го намачи Србинот

Повеќе од три часа и два сета со тај-брејк му требаа на Ѓоковиќ да го мине незгодниот шпански тенисер, па само истрајноста и концентрацијата во клучни моменти му обезбедија полесна победа, иако популарниот Ноле добро се помачи и се испоти за да го обезбеди осминафиналето во кое противник ќе му биде Лоренцо Сонега, кој направи изненадување и го елиминира Андреј Рублев во пет сета со 5-7, 0-6, 6-3, 7-6, 6-3.

Давидович-Фокина прв се закани со брејк во петиот гем од првиот сет, но Ѓоковиќ експресно се врати, а Шпанецот не ја искористи ни втората шанса со брејк да дојде до сет откако поведе со 6-5, па го загуби својот сервис, за во тај-брејкот каде психички е најсилен Србинот да загуби со 4-7 во кој повторно Давидович имаше предност со 3-1

Во вториот сет уште полош почеток на Ѓоковиќ откако се најде во негатива од 0-2, па зема три гема по ред, за во шестиот гем да го загуби сервисот како вовед во нова драма, која донесе нов брејк за Ѓоковиќ за 5-4, па рибрејк на Давидович и во тајбрејкот да слави со 7-5, откако поведе со 4-2 на мини-паузата.

Откако двапати психолошки го скрши противникот, третиот сет беше најлесен за српската ѕвезда. Брзо поведе со еден брејк со 3-0, а потоа рутински го одработи мечот со крај за да го добие со 6-2 и да обезбеди осминафинале.