ОФИЦИЈАЛНО: 80-годишниот Бајден ќе се кандидира за претседател на САД
Актуелниот американски претседател Џо Бајден денеска објави дека ќе се кандидира за претседателските избори во 2024 година.
Со најавата на кандидатурата во форма на триминутно видео кое започнува со еден збор: „слобода“ – официјално почна кампањата за реизбор на Бајден.
„Кога се кандидирав за претседател пред четири години, реков дека сме во битка за душата на Америка. И сè уште сме. Прашањето со кое се соочуваме е дали во годините што следат ќе имаме повеќе слобода или помалку слобода. Повеќе права или помалку“, рече Бајден.
Видеото ги поврзува сликите од немирите на 6 јануари во Капитол со протестите поради одлуката на Врховниот суд за поништување на правата за абортус.
Every generation has a moment where they have had to stand up for democracy. To stand up for their fundamental freedoms. I believe this is ours.
That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly
— Joe Biden (@JoeBiden) April 25, 2023
Бајден тврди дека правата на абортусот, одбраната на демократијата, избирачките права и мрежата на социјална заштита ќе бидат меѓу најважните прашања на изборите во 2024 година.
„Секоја генерација Американци се соочи со момент кога мораше да ја брани демократијата, да се залага за личните слободи и да се залага за гласачките права и граѓанските права. Ова е нашиот момент“, истакна Бајден.
Тој го претстави и слоганот за изборите во 2024 година, кој гласи: „Да ја завршиме работата“.
