Одлуката за генерален штрајк е донесена: ССМ бара минималец од 600 евра!
Сојузот на синдикатите на Македонија (ССМ) ја предупреди извршната и законодавната власт дека одлуката за генерален штрајк е веќе донесена и ќе биде активирана доколку итно не се одговори на барањата за социјален спас на работниците.
По масовните протести во главниот град, синдикалното раководство постави строги рокови за реализација на законските измени.
Синдикалците бараат до крајот на оваа работна недела пратениците да ги добијат предлог-измените на Законот за плати, а веќе до крајот на следната недела да се изгласа новото ниво на минималната плата. Доколку овие рокови бидат пробиени, ССМ најавува радикализација преку блокади на клучни сообраќајници и институции, што би кулминирало со целосен прекин на работата во јавниот и приватниот сектор.
Главните барања на работниците се јасни и насочени кон заштита од високите трошоци за живот:
Овие барања се темелат на алармантните податоци за синдикалната потрошувачка кошничка, која според последните пресметки за четиричлено семејство веќе надминува 65.000 денари.
Од ССМ децидно ги отфрлаат сите наводи за политичка заднина на нивните активности, нагласувајќи дека мотивот е исклучиво економски. „Инфлацијата го „јаде“ животниот стандард, а сегашниот минималец не ги покрива ниту основните потреби за преживување“, велат од Сојузот, порачувајќи дека зачувувањето на куповната моќ е единствениот начин да се спречи натамошното осиромашување на граѓаните.
