Одлучено: 30 дена притвор за екс-правобранителот Фехми Стафа – оди во „Шутка“ поради опасност од бегство

Судија на претходна постапка при Основниот кривичен суд Скопје вечерва го прифати предлогот на Обвинителството за гонење организиран криминал и корупција и му одреди мерка притвор во траење од 30 дена на поранешниот Државен правобранител, Фехми Стафа.

Судот донесе решение со кое го уважи барањето на јавниот обвинител, оценувајќи дека се исполнети законските основи за најстрогата мерка за обезбедување присуство.

Притворот е определен по две клучни точки (точки 1 и 2 од член 165 од ЗКП):

Стафа, кој е осомничен за кривичното дело „Примање награда за противзаконито влијание“, ќе биде спроведен во Истражниот затвор „Скопје“ во Шуто Оризари. Тој се товари дека примил 50.000 евра за да издејствува укинување на притвор за Љупчо Пецов – Ѓаволот во случајот „Синџир“.