Одложено судењето за дискотеката „Пулс“: Полицајците тврдат дека работеле под наредба
Судскиот процес против деветтемина полициски службеници, обвинети за пропусти во работењето поврзани со трагедијата во кочанската дискотека „Пулс“, денеска е одложен за 1 јуни. Причина за одлагањето е потребата на одбраната да изврши увид во доказите и да обезбеди дополнителна документација од државните институции.
Пред почетокот на рочиштето пред судијката Ленка Давиткова, адвокатите на обвинетите поднесоа серија барања до судот:
Еден од клучните моменти на денешното рочиште беше барањето на одбраната на обвинетиот Димче Аврамов. Неговиот адвокат побара доказ од веќе запрена постапка, кој наводно потврдува дека Аврамов:
Обвинителката од ОЈО-ГОКК, Спасенка Андонова, истакна дека ќе се произнесе по предлозите на одбраната откако сите нови докази ќе бидат обезбедени и анализирани.
„Имајќи предвид дека дел од одбраната денеска доставува докази, а за голем дел се бара помош од Судот бидејќи институциите не им одговориле, Обвинителството ќе направи увид и анализа штом истите бидат комплетирани“, изјави Андонова.
Деветтемина полицајци се гонат за „Злоупотреба на службената положба“. Според обвинението, во период од една година тие свесно пропуштиле да извршат неопходни проверки за јавната безбедност и сообраќајните решенија. Со овие пропусти овозможиле дискотеката „Пулс“ да добие лиценца за работа, иако не ги исполнувала законските стандарди, што подоцна доведе до трагични последици.
