ОДИ ВО ПРИТВОР: Косовски Србин се товари дека шпионирал во корист на Србија

Косово му одреди притвор од еден месец на косовски Србин осомничен дека шпионирал за Србија. Станува збор за поранешен полицаец. 

Основниот суд во Приштина го товари за кривичните дела „Шпионажа“ и „Неовластено поседување, контрола или сопственост на оружје“.

Александар Влајиќ е уапсен синоќа по неколкумесечни истраги на Косовската разузнавачка агенција и косовската полиција. Влајиќ се сомничи дека вршел шпионски дејствија во корист на разузнавачките служби на Србија. 

„Судот оцени дека се исполнети условите за определување притвор, бидејќи доколку обвинетиот А.В. на овој начин може да го попречи текот на кривичната постапка“, се вели во соопштението.

Против оваа одлука, незадоволните имаат право на жалба до Апелациониот суд, преку Основниот суд во Приштина.

Пред една недела за истото дело во Урошевац беа уапсени две лица, косовски Албанци, на кои им е одреден едномесечен притвор.

Односите меѓу Србија и Косово се напнати. Косово не ја формираше Заедницата на српски општини.