Обвинение за кобната ноќ во Марино: Пратеникот од Левица оди на суд за смртта на 16-годишниот Матеј

Основното јавно обвинителство (ОЈО) Скопје поднесе обвинение против возачот на автомобилот „Хјундаи тусон“ кој учествуваше во тешката сообраќајна несреќа во селото Марино, во која животот го загуби 16-годишниот Матеј Димовски.

Јавниот обвинител, по спроведените вештачења и обезбедувањето на сите докази, утврдил дека постои основано сомнение за сторено кривично дело „Тешки дела против безбедноста на луѓето и имотот во сообраќајот“.

Според обвинителниот акт, несреќата се случила на 14 септември по полноќ. Истрагата покажала дека обвинетиот, управувајќи го автомобилот, не се придржувал до сообраќајните прописи.

Во моментот на непрописното вртење, во автомобилот удрил мотоцикл марка „Јијинг“. Обвинителството во истрагата утврдило низа околности и за другата страна инволвирана во несреќата:

И покрај овие околности, правната одговорност за предизвикување на опасноста му се става на товар на возачот на автомобилот поради непрописното дејствие.

Епилогот од сударот беше фатален: 16-годишникот им подлегна на повредите, додека 13-годишното девојче се здоби со тешки телесни повреди.