Објавени сателитски снимки: Украинците гледале како руски војници потонале во надојдената вода во Нова Каховка
Сателитските снимки од Украина направени од „Maxar Technologies“ го открија обемот на поплавите на југот на земјата.
Сликите покажуваат куќи и згради потопени во вода, а многумина се видливи само покривите. Водата ги поплави парковите, земјиштето и инфраструктурата.
Максар објави дека нивните слики покриваат повеќе од 2.500 квадратни километри помеѓу Нова Каховка и заливот Днепар југозападно од градот Керсон, што дава дополнителна слика за размерите на оваа криза.
Украинските војници биле сведоци како руски војници ги однела надојдената вода и како бегаат од источниот брег на реката Днепро по уривањето на браната Нова Каховка, изјави претставник на украинските вооружени сили. Многу руски војници беа убиени или ранети во хаосот, рече тој.
Капетанот Андреј Пидлисни рече дека кога се урна браната во вторникот во раните утрински часови, „никој од руската страна не можеше да побегне“. Сите полкови што ги имаа Русите на таа страна беа потонати“.
Пидлисни изјави за CNN дека верува оти Русите намерно ја нападнале браната за да ги нарушат плановите на украинските сили за офанзива.
„Околу 3 часот по полноќ непријателот ја разнесе хидроцентралата Каховка за да го подигне нивото на водата и да ги поплави приодите и левиот брег на реката Днепар, како и населените места кои се наоѓаат таму. И го спречи напредувањето на украинските вооружени сили во иднина“, изјави тој.
Пидлисни објасни дека наклонот на земјата околу реката значел дека руската армија – стационирана на источниот брег – претрпела сериозен удар со пробивањето на браната.
извор и фото: Nova.rs
