Џо Бајден денеска пристигнува во Северна Ирска
Американскиот претседател Џо Бајден денеска пристигнува во посета на Северна Ирска, објави Ројтерс. Тој ќе биде во Белфаст денеска и утре, бидејќи Северна Ирска одбележува 25 години од мировниот договор со кој заврши 30-годишниот крвав конфликт таму.
Бајден, кој со децении е познат по своите проирски ставови, утре ќе зборува со претставници на сите политички партии и ќе одржи говор на Универзитетот во Алстер
Ова е прва посета на американски шеф на држава на Северна Ирска во последните 10 години.
По Северна Ирска, Бајден ќе ја посети Ирска, каде ќе разговара за блиската билатерална соработка за низа глобални прашања
Бајден има ирски корени. Неговиот пра-прадедо по мајка, Џејмс Финеган, емигрирал од Ирска во Соединетите држави во годините на гладот 1845-1852 година, во кои над 1 милион луѓе умреле од глад на островот.
Посетата на Бајден на Северна Ирска доаѓа во чувствителен момент кога про-британските унионисти лојални на Лондон продолжуваат да го бојкотираат договорот за заедничко владеење на покраината, кој беше фундаментален дел од Договорот од Велики петок кој стави крај на конфликтот во Северна Ирска во 1998 година. веќе истакна дека посетата на Бајден нема да ги принуди да го прекинат протестот против трговските правила по Брегзит, кои ја третираат покраината поинаку од ОК.
Во пресрет на посетата на Бајден на Северна Ирска, во северноирскиот град Дери/Лондондери избија протести и судири со полицијата, при што демонстрантите фрлаа молотови коктели врз полициските автомобили, јави ДПА. Ова ја илустрира тензијата во селата.
Вчера Северна Ирска ја одбележа 25-годишнината од крајот на конфликтот. По повод годишнината, поддржувачите на идејата за независност на покраината организираа протестен марш, кој се претвори во употреба на молотови коктели против полицијата.
Посетата на Бајден на Северна Ирска и Ирска ќе трае 4 дена.
